Ólétta getur alltaf orðið afleiðing rofinna samfara.

Glæsilegt framtak hjá Nikol Hasler, aldrei of mikið af hinu góða. Svona hjálpar alltaf því unglingar hafa oft engin úrræði önnur en það sem þau sjá á  skjánum eða úr námi, en slíkt er oft ekki beint til að hrópa húrra fyrir. Ég var nú sjálf eins græn og hún í byrjun, hélt að nóg væri bara að rjúfa samfarir til að verða ekki ólétt. Reyndar var ég nú heppin því ég varð ekki ólétt en hættan er alltaf fyrir hendi í slíkum leik.

Náttúrunnar glímutök

Nærbuxnaþjófar, sauðaþjófar og annað hyski.

Ætli það væri ekki hægt að finna ýmislegt misjaft um mína ætt ef hún yrði fyrir svona rannsóknarferli. Það myndi þó engin nærbuxnaþjófur finnast þar, í hæsta máta Sauðaþjófar held ég. En til hvers er svona rannsókn sett af stað á Forsætisráðherra Ástralíu skil ég ekki, hver er tilgangurinn?

Forsætisráðherra Ástralíu afkomandi nærbuxnaþjófs

Kerlingar eiga ekkert erindi í herþjónustu.

Hvað í ósköpunum eru þær líka að troða sér í herinn? Herinn er ekki fyrir konur, þær eiga ekkert erindi í hermannabuxur nema til að ná sér í.. já þið verðið að geta í eyðuna. Svei mér þá ef ég segi ekki bara, þeim var nær að vilja í herinn, á einn af allra heilagasta karlmannavöllinn.

29% kvenhermanna nauðgað

Forsetinn og Demantadrottningin.

Já er ekki bara málið að óska viðkomandi til hamingju hérna? Jújú, vonum bara að karlinum farnist áfram vel í starfi, sem er meira en hægt er að segja um aðra stjórnmálamenn svona yfir höfuð. Nú er málið bara að fólk hætti að agnúast út í forsetann og sætti sig við blessaðan manninn í það minnsta 4 ár í viðbót. Það er því heillavænlegast að skapa frið um embættið.

Dorrit klæðist merkum skautbúningi

Vonandi verða ekki fleiri met slegin um helgina.

Við skulum bara vona að metið verði eingöngu í aðsókn, en vandamálin haldi sig heimavið þessa helgina. Það er svo leitt þegar ungmenni lenda í háska sem ekki er hægt að draga til baka og svo mikið mál sem getur fylgt í kjölfarið, bæði fyrir þolendur og gerendur, ef um glæpi er að ræða. Því væri nú betra ef vandamálin eru látin liggja í kistu heimavið en gleði og glaumur tekinn með í ferðalagið.

Stefnir í metaðsókn í Eyjum

Viðbjóðsverknaður, hvernig er þetta hægt?

Þvílík skelfing er þetta eiginlega? Þarna hljóta eiturlyf að koma við sögu, einhver ofskynjunarlyf eða álíka viðbjóður. Það er nokkuð öruggt að heilvita manneskja myndi aldrei fremja slíkan glæp nema undir áhrifum einhvers viðbjóðs. Þetta er í það minnsta virkilega sorglegt, bæði fyrir aðstandendur þess hauslausa og einnig vegna aðstandenda afhausarans.

Maður afhöfðaður í rútu í Kanada

Álverin ættu að vera velkomin í dauð/draugasveitafélög.

Já mér lýst vel á þetta. Vonandi bara að framkvæmdir hefjist sem fyrst og að álverið rísi sem hraðast, það er öllum til hagsbóta bara. Það væri nú bara gott mál að fá fleiri álver á staði um landið þvert og endilangt, bara til að lyfta upp byggð og laga atvinnuástand byggðalaganna sem eru að hverfa í dauða og gröf.

Undirbúningur skemmra kominn

Hver vill Barbí þegar Ken er í boði?

Það verður svo sem seint hægt að kalla hann Barbídúkku þennan súkkulaðihjúp. Í það minnsta er hægt að treysta því, gruna ég allavega, að hann á ekki eftir að falla í sama pytt og margar Barbídúkkurnar þarna vestra. Undarlegt að líkja honum við gleðikonurnar Britney og Paris, skil það nú ekki. Mér finnst hann er svo miklu fremri en þær.

Obama líkt við Spears

Hvaða aumingjar eru þetta eiginlega?

Hvers kyns lúðulakar eru þessir lögreglumenn eiginlega? Eru þetta góð vinnubrögð og til eftirbreytni? Það hefði nú verið hægt að leysa þetta á annan máta en að gefast bara upp sí svona. Vonandi verður þetta ekki eitthvað sem maður þarf að sjá í framtíðinni, að brotafólk fái bara að sleppa vegna þess að það tók sig ekki að gefa aðeins í á lögreglubíl. Nú auðvitað hefði verið hægt að gera öðrum umdæmum viðvart og sitja fyrir þessum glæpamanni hingað og þangað. Pussycats.

Á 245 km hraða

Ástin er komin á kreik.

Já ekki er þetta nú af verri endanum og mættu miklu fleiri sveitafélög sem og höfuðborgin, taka sér svona til fyrirmyndar. Það er aldrei of mikið af tilfinningum, ást og unaði. Því fleiri sem meðtaka ástina og festa í huga því ljúfari og yndislegra verður lífið. Segi því að þið, sveitastjórar og borgarstjóri Reykjavíkur, ættuð að taka Akureyringa ykkur til fyrirmyndar.

Ást á rauðu ljósi á Akureyri