Hommar og lesbíur eru of áberandi.

Ég hefði nú alveg verið til í að sjá aðeins minna af gleðigöngu samkynhneigðra. Mér finnst samkynhneigð of mikið vaða uppi og ungmenni halda stundum að það sé bara í fínu lagi að gera tilraunir með sama kyni. Auðvitað á slíkt ekki að gerast, enda erum við sköpuð til að vera maður og kona í sambandi. Við eigum að fjölga okkur og vera í norm samböndum, enda annað ekki vel séð í biblíulegu samhengi. Ég myndi ekki gráta það þó gleðigangan yrði lögð niður.

Stórstjörnur skemmta á Hinsegin dögum

Athugasemdir

[Elísabet (IP-tala skráð) 29.7.2008 kl. 18:03]

Ertu hálfviti?!

[Steinunn (IP-tala skráð) 29.7.2008 kl. 18:22]

Say whaaat??

[Lolitalitla, 29.7.2008 kl. 18:26]

Elísabet, hver er nú meiri hálfvitinn? Ég sem er að segja mína skoðun og mitt álit á einhverju, eða þú sem kallar einhvern hálfvita fyrir það eitt að hafa ekki sömu skoðun og þú sjálf á einhverju? Ég giska á að þú ættir að líta í eigin barm og athuga tungu þína væna.

[Kristján Eldjárn (IP-tala skráð) 29.7.2008 kl. 18:36]

Ég hef einmitt svo gaman að þessari göngu. Finst þetta lífga upp á tilveruna!

[Elísabet (IP-tala skráð) 29.7.2008 kl. 18:43]

Ég fann bara ekkert betra comment á hvað þér finnast aðrir þjóðfélagsþegnar með óeðlilegar tilfinningar þó þeir elski sama kyn. Þessi ganga er fyrst og fremst mannréttindaganga því við eigum nú öll að vera jöfn - og það að vilja sleppa því að hafa mannréttindagöngu er hálfvitaskapur að mínu viti. Meiri kristilegi náungakærleikurinn hjá þér:)

[Lolitalitla, 29.7.2008 kl. 18:58]

Elísabet, ég ber ekkert minni kærleika til náungans en þú eða hver annar þó ég óski ekki eftir því að sjá mikið af gleðigöngunni. Afstaða mín til gleðigöngunnar endurspeglar á engan hátt viðhorf mitt til samkynhneigðra. Fólk má haga sér hvernig sem það óskar innan veggja svefnherbergissins mér og mínum að meinalausu. Það að þú skulir finna fyrir þörf á því að finna að því hver mín persónulega skoðun á málefnum sé segir meira um þig en mig.

[Gummi (IP-tala skráð) 29.7.2008 kl. 18:59]

"Við eigum að fjölga okkur..."

 Fólksfjölgun er oftar en ekki ein af orsökunum fyrir stærstu vandamálum mannkynsins (stríð, hungursneyð, ..). Ég er á því að samkynhneigð sé (m.a.) náttúruleg leið til að halda böndum á of-fjölgun og sé bara alls ekkert að þessu fyrirbrigði. Þvert á móti skemmti ég mér aldrei jafnvel í bænum og á hinsegin dögum vegna þess að það er hreinlega allt annar andi í bænum og ég held það sé lýsandi fyrir hvað samkynhneigðir hafa góð áhrif á þjóðarsálina.

Tilvist samkynhneigðar afsannar það að við séum endilega sköpuð til að vera maður og kona í sambandi. Þetta er bara ein af þessum týpísku reglum biblíulegra (og annarra trúarlegra) samfélaga sem eiga ekki við neinn veruleika að styðjast, sbr. að jörðin er flöt og svínakjöt er slæmt. "Science is questions that may never be answered, religion is answers that may never be questioned".

Þér er að sjálfsögðu frjálst að hafa þínar skoðanir og básúna þeim og rökum fyrir þeim eins og ég er að gera núna. En gerðu það fyrir alla að vera ekki að búa til rifrildi úr engu. Þetta fólk velur að lifa eins og það vill, rétt eins og þú velur biblíusamfélagið, og það kemur þér bara ekkert við hvernig þetta fólk lifir. Ekkert frekar en það kemur þessu fólk við hvernig þú lifir.

Þannig að bara hættu að væla og finndu þér eitthvað uppbyggilegra að gera.

[Lolitalitla, 29.7.2008 kl. 19:09]

Gummi, ég hef bara aldrei sagt eða skrifað neitt sem bendir á að mér sé illa við samkynhneigt fólk. Aftur á móti eru fordómarnir mjög áberandi í þinni ræðu sem átti sennilega að vera mjög djúp og vitur. Þú byrjar nú bara á að líkja samkynhneigðum saman við smokka, að samkynhneigð sé getnaðarvörn. Eftir því sem mér skilst hafa samkynhneigðir ekki heldur valið sér að lifa sem slíkir heldur séu þeir fæddir svona, þú veist kannski betur. Þér að segja er ég alls ekki að væla neitt. Ég er alls ekki að búa til eitthvað eins og riflildi eins og þú vilt halda fram heldur bara segja skoðun mína á gleðigöngunni. Þó þér komi það nú ekki við þá tilheyri ég engu sérstöku trúfélagi sem slíkt.

[Kristín (IP-tala skráð) 29.7.2008 kl. 22:33]

ég held að þú sért að æsa fólk upp til að hafa gaman að því. Alveg satt, ég held það. Skammastu þín nú Lolita litla, það er ekkert sérlega fallega gert. Og alls ekki mjög kristilegt..

[Gunni (IP-tala skráð) 29.7.2008 kl. 23:48]

Hehehe, right! Góður... eins og einhver sé svona þenkjandi :)

[Stuðningsmaður samkynheigðra. (IP-tala skráð) 30.7.2008 kl. 00:44]

"Mér finnst samkynhneigð of mikið vaða uppi og ungmenni halda stundum að það sé bara í fínu lagi að gera tilraunir með sama kyni"

Með ofnaskráð orð þín að leiðarljósi og að eiga bróðir sem er samkynheigður að þá er ég knúinn til að svara þessu.

Ef bróðir minn gert tilraunir með sama kyni fyrr á lífsleiðinni að þá hefði hann vafalaust komið fyrr útúr skápnum. Á þeim tíma sem hann var að alast upp

þá var það mun meira tapú að vera Hommi heldur en í dag. Ungu kynnslóðirnar í dag eru margfalt frjálsara og betra fólk í kynferðismálum var fyrir c.a 20-25 árum. Svo ekki talað um enn lengra aftur í tímann.....Úffff ! Núna er bróðir minn í kringum fertugt og loksins farinn að finna sig. Þökk sé meðal annars opnara samfélags.

Gleðigangann er stór viðburður í mannréttindabaráttu Íslendinga.

Í biblíulegu samhengi segir þú.

Ég segi "Það versta sem hefur komið fyrir trú eru trúarbrögð"

Ég vill enda þetta á fornu Kínversku spakmæli

"Takist þér ekki að una því að aðrir eru þér ólíkir, ert þú víðs fjarri leið viskunnar"

[Geiri (IP-tala skráð) 30.7.2008 kl. 00:51]

Trúarbrögð skaða börn frekar en gleðigöngur.

[Óskar Helgi Helgason (IP-tala skráð) 30.7.2008 kl. 02:10]

Heil og sæl; Lolitalitla, og velkomin, í spjallvinahóp minn !

Þið; athugasemda skrifarar, hér á síðu Lolitulitlu ! Hygg; að þið, hver fordæmið hana, hvort sem eruð gagnkynhneigð, eða þá samkynhneigð, ættuð að líta, í ykkar eiginn rann. Lolitalitla hefir fullan rétt til, að koma sinni meiningu á framfæri, burt séð frá skoðunum ykkar.

Sjálfum er mér slétt sama, hvaða hneigðir fólk hefir, enda er það viðkomadi persóna, og framkoma, í daglega lífinu, sem skiptir meginmáli, en viðurkenni fúslega, að öllum er rétt og skylt, að skjóta á;; og skjóta fast, á svikula stjórnmálamenn og ómerkinga hátt þeirra.

Lolitalitla ! Haltu áfram, að vera þú sjálf. Hlustaðu ekkert á rausið, í þeim, sem eru þér ósmmála, hverju sinni.  

Með beztu kveðjum, sem ætíð /

Óskar Helgi Helgason

[Lolitalitla, 30.7.2008 kl. 02:19]

Takk Óskar kveðjur en athugasemdirnar trufla mig á engan hátt og munu alls ekki breyta mér á neinn hátt frekar en að vatn bleyti fjaðrir svans. Ég hafði bara hugsað mér að blogga um mínar pælingar og býð velkomna alla sem hafa eitthvað að segja, svo framalega sem fólk sýnir af sér kurteisi. Við höfum eins misjafnar skoðanir og við erum mörg. Við verðum bara að virða skoðanir hvers annars, neikvæðar eða jákvæðar, annars gengur samfélagið ekki upp. Ég mun halda áfram mínu striki og væri þakklát fyrir það ef fólk bara virðir það að ég er ekki eins og flestir eða eins og flestir vilja að ég sé, ég er bara ég.

[Sigrún Ósk Arnardóttir, 30.7.2008 kl. 02:30]

Hvurslags internet-bjána-tröll ert þú eiginlega?

[Egill (IP-tala skráð) 30.7.2008 kl. 05:57]

Ég hefði nú alveg verið til í að sjá aðeins minna af gleðigöngu samkynhneigðra.

Lokaðu þá bara augunum væna mín. 

Mér finnst samkynhneigð of mikið vaða uppi og ungmenni halda stundum að það sé bara í fínu lagi að gera tilraunir með sama kyni.

Þú hljómar bara eins og Gunnar í Krossinum. Það ER í lagi að gera tilraunir með saman kyni. Undan hvaða steini kemurðu eiginlega? Þú ert kannski ein af þeim sem var fermd ófrísk? 

Auðvitað á slíkt ekki að gerast, enda erum við sköpuð til að vera maður og kona í sambandi.

Nei, það er rangt. Það er fullt af fólki sem piprar og hefur engan áhuga á föstum samböndum og hefur það fínt! 

Við eigum að fjölga okkur og vera í norm samböndum, enda annað ekki vel séð í biblíulegu samhengi.

Það hefur aldrei verið svo að ALLIR eigi að fjölga sér. Hvorki hjá mannfólkinu né í dýraríkinu. Og að þú talir um biblíulegt samhengi, sýnir hverslags afturkreistingur þú ert, því fyrir utan kynhneigð, þá eru trúarbrögð einnig frjáls samkvæmt lögum og ólöglegt að gera greinarmun þar á. 

Ég myndi ekki gráta það þó gleðigangan yrði lögð niður.

Ég mun ekki gráta það þegar kistunni þinni verður slakað niður. Þá verður einum þröngsýnispúkanum færra á jörðinni. 

Þú sakar aðra um fordóma í svörum þínum, en gleymir því að þessum snjóbolta rúllaðir þú af stað. Þú virðist ekki skilja það að mikill munur er á að hafa skoðanir eða að vera haldinn fordómum. Þú fellur undir seinni liðinn með skrifum þínum. Þú vilt að samkynhneigðir fái ekki að vera um of áberandi og vilt banna gleðigönguna, sem á sér áralanga hefð. Ekki bara hér á landi, heldur víða um heim. Skrif þín sanna að enn er þörf á Samtökunum '78 og sú 30 ára barátta hefur skilað miklu, en greinilega nóg vinna eftir. Ég vona svo sannarlega að gleðigangan fari framhjá heimili þínu.

Lólíta..... Lólíta litla..... ?  Var ekki skrifuð bók og gerð bíómynd um Lólítu? Sirka 10 ára gamla stúlku sem tældi mann til kynlífsathafna með sér? Ertu kannski að mæla með því að menn stundi kynlíf með barnungum stúlkum, með því að nota þetta vafasama nafn og þetta lýsingarorð á eftir því? Spyr sá sem ekki veit.

[DoctorE (IP-tala skráð) 30.7.2008 kl. 09:21]

Erum við sköpuð til þess að fjölga okkur... hvað með konur sem geta ekki átt börn... eigum við kannski að fela þær líka

Biblían er náttúrulega einskis virði þegar kemur að vitrænu stöffi og mannréttindum.

Kannski fólk ætti að setja upp trúfrelsisgöngu líka. :)

[Lolitalitla, 30.7.2008 kl. 12:59]

Egill, það er auðvelt að henda fram athugasemd sem þinni í heigulsnafnleynd, komdu með hana með bloggið þitt á bakvið þig og stattu við hana ef þú þorir. Nafn mitt er bara nafn, ekkert annað og engar hugleiðingar á bakvið það.

Sigrún Ósk Arnardóttir, internet-bjána-tröll, að mínu mati er slíkt tröll einhver sem poppar upp í nafnleysi inni á annarra manna bloggi með athugasemdir líka þinni, hvað segir það um þig?

[tatum, 30.7.2008 kl. 13:34]

Ég þakka bara fyrir að vera ekki fædd inní þína fjölskyldu.

[Nanna Katrín Kristjánsdóttir, 30.7.2008 kl. 15:04]

Ég á ekki til orð.  Er til fólk semhugsar svona enn í dag.  Mikið hlýturu að vera fullkomin.

[Sigurbjörn Friðriksson, 30.7.2008 kl. 18:20]

Á síðasta ári, stuttu eftir sýndar- og auglýsingargöngu samkynhneigðra og annarra sjálfshverfra karla og kvenna og "bæði-samtímis" fólkinu, þá bloggaði ég um það hvernig yrði tekið í það ef gagnkynhneigðir karlmenn og kvenmenn hefðu sig svona í frammi og héldu svona sýndar- og auglýsingargöngu?  Einnig lagði ég fram þá spurningu hvort við fengjum þá sömu jákvæðu umfjöllun hjá fjölmiðlum sem og almennri umræðu líkt og þeir samkynhneigðu. 

Athugasemdirnar sem komu inná bloggið mitt voru mestmegnis á þann veginn að ég væri hinn versti fantur og fasisti, hreint óþolandi með öllu.  Menn eins og ég ætti ekki fá að hafa aðgang að blogginu o.s.frv.   Það er sko ekki sama að vera Jón eða séra Jón (Jóna eða séra Jóna) (eða Jón eða séra Jóna o.s.frv.).

Góður pistill hjá þér Lolitalitla (það hefði samt mátt sleppa þessu með "biblíulegt samhengi", en þetta er þinn pistill og ekki minn).

Kær kveðja, Björn bóndi   ïJð

[Egill (IP-tala skráð) 30.7.2008 kl. 18:53]

Heyrðu væna, Lolíta litla, eða hvað þú kýst að kalla þig. Þú vænir aðra um nafnleynd en segist sjálf vera felubloggari. Hvar er nú heigulshátturinn? Svarar fólki sem kemur undir nafni út í hött.

Og svo hefurðu ekki svarað málenfalega einu einasta sem komið hefur fram, því þú hefur nákvæmlega engin svör. 

Björn bóndi, berðu saman sambærilega hluti. Hafa gagnkynhneigðir þurft að berjast fyrir tilverurétti sínum eins og t.d. samkynhneigðir? E... Nei. Veit ekkert hvort þú ert fantur eða ekki, en þú getur ekki dregið tvo banana frá fjórum eplum og fengið út þrjú vínber :)

[Geiri (IP-tala skráð) 30.7.2008 kl. 21:33]

Þú hlýtur að vera að hoppa af kæti nú þegar sprengjuhótun hefur komið í ljós, kannski rætist ósk þín í ár.

Enginn bannar gagnkynhneigðum að halda göngur, en það yrði frekar fáránlegt enda hafa þeir aldrei þurft að berjast fyrir því að fá að vera í friði með sýna kynhneigð. Sumir gagnrýna gönguna vegna þess að hún er "klámfengin" með léttklæddu fólki. Raunin er sú að hún sækir innblástur í carnival göngurnar t.d. í New Orleans þar sem gagnkynhneigðir sýna sig með sambærilegum hætti.

En það er auðvitað viljandi reynt að vera hneykslandi og ýta við fólki, en það er líka þörf á því þegar enn er nóg af stífu þröngsýnu fólki eins og þér sem vilja þvinga alla til þess að fylgja sama gamaldags straumnum. Fagnaðu því að á komandi árum mun sjálfsmorðum og sálarkrísum samkynhneigðra minnka, börnin sem fara með foreldrum sínum að sjá gönguna munu verða miklu víðsýnari gagnvart öðrum og eiga auðveldara með að vera þau sjálf og opin með það.

[Lolitalitla, 30.7.2008 kl. 23:13]

Egill, það er eitt að vera felubloggari en með bloggið sitt samt á bakvið sig en annað að vera heigull sem þorir ekki að setja fram athugasemdir nema með því að henda þeim óinnskráðum inn, það sem þú gerir hérna. Hvað er bloggið þitt? Þorir þú ekki að setja fram athugasemdir með bloggið þitt á bakvið þig, raggeit? Í mínu athugasemdakerfi svara ég eins og mér þóknast, enda er þetta mitt blogg.

Geiri, var ég að biðja um sprengingu svo fólk megi slasast eða deyja? Nei, alls ekki. Vinsamlega gerðu mér ekki upp kæti tengda slíkum ósköpum, ekkert frekar en þú sjálfur myndir kætast yfir slíku.

[Kristinn Theódórsson, 30.7.2008 kl. 23:51]

Lolitalitla
"og ungmenni halda stundum að það sé bara í fínu lagi að gera tilraunir með sama kyni"

Samfélagið samþykkir homma og lessur, þar af leiðir að það er í fínu lagi að gera tilraunir með eigin kyni.

Ef það er ekki í lagi hljótum við að vera að banna samkynhneigð.

Ég segi bara eins og hann Damon Albarn blessaður:

"Girls who are boys
Who like boys to be girls
Who do boys like theyre girls
Who do girls like theyre boys
Always should be someone you really love"

mbk,

[Margrét St Hafsteinsdóttir, 31.7.2008 kl. 01:31]

Mega samkynhneigðir semsagt bara vera samkynhneigðir í svefnherberginu en ekki utan heimilis síns..     Sjá athugasemd 6

[Kristinn Theódórsson, 31.7.2008 kl. 02:34]

Lolitalitla
Takk Óskar kveðjur en athugasemdirnar trufla mig á engan hátt og munu alls ekki breyta mér á neinn hátt frekar en að vatn bleyti fjaðrir svans.

Mér finnst þetta forvitnileg yfirlýsing. Er eitthvað að því að breytast; skipta um skoðun?

Ég átta mig á því að slíkt á sér afar sjaldan stað á bloggsíðum, miðað við fjölda bloggara og athugasemda um allar trissur, en á það ekki samt að heita að sé hluti af tilgangi þessa blaðurs okkar?

Ég tel mér allavega trú um að ég muni láta sannfærast um nýja hluti ef rökin eru góð, og það hefur alveg gerst...minnir mig. 

If you never change your mind, why have one?
-Edward de Bono

[Lolitalitla, 31.7.2008 kl. 08:35]

Ég læt skoðanir annarra ekki breyta mér eða hafa áhrif á líf mitt, sérstaklega ekki þegar þeim er grýtt í mig. Það þarf eitthvað mikið til ef það á að fá mig til að breyta lífsviðhorfum mínum, og þetta mikla gerist ekki hérna á blogginu svo mikið er víst. Samkvæmt athugasemd númer 6, nefni ég að "fólk" má haga sér eins og það vill í svefnherberginu en er ekki að tala bara um að þetta eigi bara við "samkynhneigða".

[Fanney Gunnlaugsdóttir (IP-tala skráð) 31.7.2008 kl. 10:10]

ja hérna, ég rakst á þessar umræður og það sem kemur upp í huga minn er þegar ég hélt á syni mínum þar sem hann var nýfæddur. Ég sem er mjög trúuð bað til Guðs að sonur minn yrði heilbrigður, góður og athafnasamur í lífi sínu.  Og ég fékk bæn mína uppfylta því hann er allt sem foreldri getur beðið um. En stundum græt ég í einrúmi og spyr Guð oft afhverju, þar sem heimurinn er enn að hatast og afneita honum. 

 Já hann er nefnilega samkynhneigður og fór í gegnum erfiðar stundir í uppvexti sínum. Þegar hann var 5 ára kom hann hlaupandi til mín þar sem við vorum stödd í stóru magazíni í bandaríkjunum, með blúndukjól og hrópaði yfir sig, OH mom its beutiful. Mér brá, og í gríni sagði ég að hann yrði eflaust fatahönnuður. Upp frá því í leyni var fólk visst um hvernig færi. Þegar hann var unglingur kom fólk til mín og sagði sínar skoðanir og spurðu mig hvort ég vissi ekki að hann væri samkynhneigður. Ég svaraði að það væri hans mál og þegar hann væri búinn að sætta sig við sjálfann sig kæmi hann til mín en þar til myndi ég ekki ræða þetta við neinn. Það var reyndar ég sem lét hann vita að ég vissi og að það væri í lagi. Hann var að ganga í gegnum sína fyrstu ástarsorg og ég sagði honum að reyna að sættast við sinn special friend, og hann leit á mig og sagði, VEISTU MAMMA ? Mitt svar til hans var að auðvitað vissi ég. Ég er mamma þín.  Ég sá augu hans skína í fyrsta sinn síðan að hann var krakki. Hann sagði mér að í raun ætlaði hann að láta sig hverfa til að spara okkur skömm. Enn í dag fæ ég hroll þegar ég hugsa um að ég hefði getað týnt syni mínum. Í dag er hann einn besti, duglegasti, einbeittasti maður sem ég þekki og lætur ekkert stöðva sig. Þegar ég verð reið vegna ummæla og reið orð í garð hans, róar hann mig og segir að fólk verði að hafa sínar skoðanir og ef ekkert heyrðist í fólki myndi leynast menn eins og sá sem hótar núna sprengingum í göngunni frægu. Og aftur í dag græt ég að einhver vilji særa og jafnvel deiða soninn minn.  Lolita er að vekja athygli á ummræðu sem annars færi fram í kyrrþei og jafnvel sprengjumenn yrðu fleiri. Biblían var skrifuð af mönnum en ekki Guð og ef við færum eftir öllu sem hún segir, værum við enn tölvulaus og hefðum jafnvel ekki leyfi til að tjá okkur eins og við gerum. Sonur minn skipti aldrei um skoðun því hann er enn samkynhneigður.

Allt sem er skrifað hér fyrir ofan á allt sinn stað og er skrifað út frá hjartanu. Mín skoðun á göngunni er sú að ég vildi að þau kæmu fram sem þau sjálf og þyrftu ekki að setja á fót sýningu fyrir samherja sína til að sanna sig og rétt sínum. Þá fyrst myndum við vita um fylgi þeirra ef þau kæmu fram sem bara ég og þú. Þau eiga rétt á sér og eiga ekki að þurfa að setja upp sýningu svo okkur þyki gaman að horfa á þau. Ég er ekki reið Lolitu heldur þakka ég þér fyrir að opna þessa umræðu og fyrir það, að ég fæ tækifæri að skrifa ykkur um son minn. Þið þekkið hann sem tónlistarmann með meiru.  Og í lokin : þegar hann var 17 fór hann undir hjartaaðgerð.  Þá fór ég aftur til Guðs og bað hann um að ég fengi að faðma hann aftur. Ef biblían er rétt þá hefði ég kanski ekki fengið bæn mína heyrða. Þakka ykkur svo fyrir að nota ekki H orðið, heldur samkynhneigð.    Kv, foreldri sem Guð treysti til að styðja eina gerð af manninum.  sé ykkur í göngunni.

[Lolitalitla, 31.7.2008 kl. 14:37]

Fanney, þetta var hugljúf og falleg saga hjá þér af þér og þínum syni. Ég virði þig og visku þína og hef ekkert út á son þinn að setja. Það myndi aldrei hvarla að mér að óska samkynhneigðum dauða eða meiðingum, bara aldrei. Ég hef nefnilega nákvæmlega ekkert á móti samkynhneigðum einstaklingum sem slíkt, bara því að vera að flagga og hampa uppá torg samkynheigðinni sem slíkri. Það eru samkynhneigðir í kringum mig og myndi ég aldrei amast út í þá, enda er ég ekki guð og hef ekkert leyfi til að dæma aðra mannesku þannig lagað. Mín skoðun er bara sú að ég hefði kosið að sjá minna af uppákomum, kannski er það ósk mín að samfélagið taki meira í sátt þá sem eru samkynhneigðir, þannig þyrfti ekki að setja upp sérsýningar og vera með svona hamagang. Það er alveg satt að biblían er ekki skrifuð af Guði sjálfum heldur mönnum, en sem slík hefur hún örugglega breyst mikið í aldanna rás og er því alls ekkert heilög þó margt megi fallegt og heilt finna þar. Það eru samt líka ýmis atriði þar sem virðast ekki frá Guði komin. Gangi þér vel Fanney og gangi syni þínum líka vel í lífinu.

[Sigurbjörn Friðriksson, 31.7.2008 kl. 15:58]

Lolitalitla;  Ég er ekki hlessa að þú fáir svona líka mótbyr fyrir það eitt að minnast á þitt sjónarmið.  Þú ert að mínu mati; atyrt og hundskömmuð fyrir það eitt að hafa skoðun, koma henni kurteisislega á framfæri. 

Eins og ég nefndi (í færslu minni nr.22) þá fékk ég svoleiðis gusuna á mig um fasisma, karlrembu, fantaskap og hvaðeina annað. 

Ég er ennþá að velta því fyrir mér hvers vegna er ekki hægt að fara svona göngu eins og t.d., 1. maí göngu með flögg og fána, hví þarf að rassakastast þetta með píkuskrækjum og trúðsfötum.  Eins og gamla konan spurði: "Er þetta fólk ekki normal?"

Kær kveðja, Björn bóndi   ïJð

[Geiri (IP-tala skráð) 31.7.2008 kl. 17:02]

"Samkvæmt athugasemd númer 6, nefni ég að "fólk" má haga sér eins og það vill í svefnherberginu en er ekki að tala bara um að þetta eigi bara við "samkynhneigða"."

En málið er að þú virðist túlka það þannig að það eitt að segja frá samkynhneigð sé það sama og að segja frá hvað gerist í svefnherberginu, með slíkum rökum er alveg eins hægt að segja það um gagnkynhneigða.

Gagnkynhneigt fólk er sjálft fyrst og frest að spá í kynlífi samkynhneigðra, en það segir meira um þeirra hugsunarhátt heldur en samkynhneigða. Kynhneigð snýst um miklu meira en það sem gerist í svefnherberginu, margir samkynhneigðir byrja að skera sig úr hópnum eða verða ástfangnir af eigin kyni löngu áður en byrjað er að spá í kynlífi.

"Ég er ennþá að velta því fyrir mér hvers vegna er ekki hægt að fara svona göngu eins og t.d., 1. maí göngu með flögg og fána, hví þarf að rassakastast þetta með píkuskrækjum og trúðsfötum.  Eins og gamla konan spurði: "Er þetta fólk ekki normal?""

Björn bóndi þetta er mjög týpískt viðhorf hjá þeim sem skilja ekki gönguna. Málið er að þessi gömlu viðhorf um hvað sé normal er rótin á fordómum og hatri gagnvart samkynhneigðum og þess vegna eru göngurnar almennt að ögra þessum gamaldags samfélagsreglum. "Karlar mega ekki hreyfa sig svona", "karlar mega ekki tala svona" og "karlar mega ekki lýta út svona".

Þegar samfélag er almennt víðsýnt og frjálslynt þá minnkar það líkurnar á að ákveðnir hópar séu lagðir í einelti. Ég hef oft heyrt línuna "Það er allt í lagi að vera hommi en það er óþarfi að hegða sér eins og stelpa". Svona viðhorf er að mínu mati ekkert skárra en það að vera almennt á móti samkynhneigð, þetta er sama gamla tilhneigingin til þess að troða fólki í ákveðin "normal" form.

Ég vorkenni fólki sem fylgir straumnum sjálfkrafa án þess að spá í því, óháð því hvaða kynhneigð þau tilheyra. Fólk á að fá að vera með eigin lífsstíl í friði svo lengi sem hann skaðar ekki aðra með beinum hætti, sama hvort við séum að tala um það að vera Goth eða klæða sig eins og kona.

[Sigurbjörn Friðriksson, 31.7.2008 kl. 18:40]

Eins og ég spurði, í öðrum orðum þó;  "Hvers vegna þessi firra við einföldum og sakleysislegum spurningum?"

Við Lolitalitla og aðrir gagnkynhneigðir eru ásakaðir fyrir skilningsleysi.  Hvað er að skilningsleysi fólks sem fær ekki svör og útskýringar á því sem það spyr einfaldlega um.   Fær ekki svör við saklausum spurningunum?

Spyr sá sem ekki veit.

Kær kveðja, Björn bóndi  ïJð

[Lolitalitla, 31.7.2008 kl. 19:31]

Já Björn bóndi, það er bara ekki hægt að gera öllum til hæfis alltaf og alls staðar. Við verðum bara að fara inn í skáp með okkar sjónarmið og vera þar í felum þar til við erum orðin nógu mörg að við getum farið að koma aftur út úr skápnum með þessi viðhorf, farið í ýmsar göngur og haldið okkar sjónarmiðum hátt á torgi með von um að samkynhneigðir eða þeim tengdum leyfa okkur að vera við sjálf, með okkar eigin skoðanir. Hringavitleysa, það er spurning!

[Kristinn Theódórsson, 31.7.2008 kl. 19:35]

Lolitalitla
"þar til við erum orðin nógu mörg að við getum farið að koma aftur út úr skápnum með þessi viðhorf"

Þú ert að misskilja Lolita, þið verðið að bíða þangað til þið eruð orðin nógu fá til að vera orðin minnihlutahópur, sem má rífa sig

mbk, 

[Lolitalitla, 31.7.2008 kl. 19:55]

Jú Kristinn, líklega er það bara alveg rétt athugað hjá þér. Takk fyrir leiðréttinguna, auðvitað verðum við að bíða eftir því að verða örfá til að verða minnihlutahópur.

[Fanney Gunnlaugsdóttir (IP-tala skráð) 1.8.2008 kl. 00:02]

Takk fyrir orðin þín Lolita, og þarna sérðu að við erum sammála um að við vildum helst að við gætum öll bara verið samþykkt sem við sjálf án allra skrípóleika.  Allir vilja vera samþykktir og hafa rétt á tilveru sinni, sem og heyrist hér að ofan frá öllum.

Minnihlutahópar myndast af mikilmönnum. Þetta orð varð til, til að skilgreina þá sem voru æðri frá þeim sem minna meiga sín. Hvítir menn/konur eru í minnihluta í heiminum í dag. Segir þetta eitthvað um getu okkar.? Er þetta ekki um hegðun okkar og hvernig við stöndum að vandræðum í lífi okkar. Það er hópur manna sem velja að fara í stríð til að láta til sín segja. Hvíti maðurinn myndi segja að þessi hópur væri í minnihlutahópum, ekki vegna stærð hópsins heldur mátt þeirra, menntun og fl. Einstæðar mæður eru taldar í minnihlutahópum ogsvfrm. Þetta orð er notað til að útskýra mátt ekki stærð.  

Eins og ég sagði hér áður, ekki þegja yfir skoðunum ykkar, látið heyra í ykkur. Það er ekki skilningsleysi að tala um hlutina í réttu ljósi. Þögn gerir meiri skaða.  Ef við tölum saman í allri hreinskilni þá fáum við svör við hlutum sem við erum að díla við. Gamall maður sagði : að ef við spyrjum ekki fáum við ekki svör.  kv  fg

[Sigurbjörn Friðriksson, 1.8.2008 kl. 11:58]

Lolitalitla; Hringavitleysa, það er rétta orðið.  Sjáumst í skápnum - þar getum við verið normal!

Kær kveðja, Björn bóndi  ïJð