Kerlur og stjórnmál, humbúkk.

Jæja, gott mál ef eitthvað hreyfist raunverulega í málefnum aldraðra og sjúklinga almennt. Alltof algengt að loforðin fjúki í veður og vind eftir kosningar hvert sinn. Of margir stjórnmálamenn sem hreinlega eru steindauðir þegar þeir komast í valdastóla og virðast bara stjórnast valdagræðgi og stólablindni. Þó ég sé ekkert á því að konur eigi heima í stjórnmálum né í nokkurri yfirmannastöðu svona yfir höfuð, þá er félagsmálaráðherra loks að gera eitthvað af viti núna.

400 ný hjúkrunarrými

Bláar bomsur og netsokkabuxur.

Alltaf er það svo yndislegt þegar horfið er til fortíðar, líka í klæðaburði. Fatnaður sem nú orðið er notaður í öllum tilefnum, líkt og giftingum, er orðinn svo ótrúlega yfirdrifinn. Staðnað í hvítum kjól og jakkafötum, en slíkt er svo hrópandi leiðinlegt og fyrirséð. Það er gaman af því þegar fólk gerir eitthvað annað en normið segir til um á þennan hátt, be diffirent and be cool. Til hamingju með þetta Jón og Íris með skyndibrúðkaupið og klæðaburðinn!

Skyndigifting í lopapeysu og í gúmmískóm

Eru moggabloggarar apar?

Ég hefði  nú haldið að aparnir væru nú allir hérna á moggablogginu. Hér eru allavega þónokkrir sem ég myndi flokka sem apa, sumir hálfgerðar górillur en aðrir bara smá kvikindi. Górillur eru þeir sem blogga hvasst og vaða á skítugum skóm yfir aðra án þess að leyfa athugasemdir, en hinir aparnir eru restin. Svo kem ég náttúrulega svona í restina sem best of the rest. Kem allavega sterk inn í frekar dauðan bloggstað.

Hvar eru allir aparnir?

Erótíkin lekur af ólympíuleikunum.

Ég væri nú alveg til í að sitja innan um heita og sveitta karlmenn í gufubaði, jafnvel þó ég sé ekki mikið fyrir það að vera í sveittu umhverfi. Ótrúlega fallegt að sjá rennblauta og sveitta líkama þeirra sem t.d. eru að vinna í hita og sól, hvílík nautn sem því fylgir að horfa á útlínur og lögun þeirra sem þannig er ástatt fyrir. Erótíkin er mikil í kringum blauta líkama, mér finnst það allavega heillandi á meðan ég er ekki í svitabaðinu nema að hluta til.

Keppa í svitabaði

Betri er hálfur maður í vinnu en heill heima.

Er það ekki bara málið að menn snúi aftur til vinnu sem fyrst frekar en að þeir séu að slugsa og slóra eins og vanvitar í einhverju sjúkraleyfi? Gott fyrir ríki og tryggingar ef menn snúa aftur til starfa fyrr, þó svo að menn þurfi að stunda léttari vinnu. Betri er hálfur maður í vinnu en heill heima held ég.

Þrýst á að óvinnufærir starfsmenn snúi aftur til vinnu

Vantar breimandi högna í ferðalag!

Ég gæti nú vel hugsað mér að skjótast á Ástarvikuna og taka fullan þátt í hverjum þeim ástarleik sem í boði er. Kannski ég ætti að kíkja í kringum mig á mögulega þátttakendur í slíkum breimleik með mér. Hver veit nema svona gæti orðið dásemdin uppmáluð, ekkert nema kynlíf og gleði? Þetta hljómar allavega þess virði að skreppa í og taka þátt í, ekki satt? Einhver sem vill koma með?

Ástarvika haldin í fimmta sinn í Bolungarvík

Burt með dýrin.

Já, þetta er nú bara hið besta mál. Það er alltaf svo mikill sóðaskapur og vandræðagangur í kringum þessi bölvuðu kvikindi um allt. Bara gott mál að höggva smá skarð í hópinn og lóga einhverju af þessu. Enda ætti fólk ekki að fá leyfi til að hafa svona dýr nema til að halda þeim inni hjá sér, en næsta víst er að mörg þessi flækingsdýr eru til komin vegna þess að fólk hendir bara gæludýrum á Guð og gaddinn svo enda þau sem flækingar um allt. Það ætti að útrýma þessu öllu saman bara, um allan heim.

Flækingsdýrum útrýmt

Karl á ekki að fara í kjól.

Ég mynd lítið vera hrifin ef ég ætti son sem kæmi heim klæddur kjól, málaður og með hárkollu. Mikið er þetta leiðinlegt að fylgjast með, karlmenn í kvenfötum. Mér finnst Þetta heilmikill viðsnúningur og brenglun, eitt að vera samkynhneigður en annað að vera karlmaður sem klæðir sig í kvenmannsfatnað. Verð að viðurkenna að mér er ekkert um þetta og kann bara alls ekki við þetta, en það er bara ég og mitt snubbótta viðmið til þessara mála.

Snýst um öfgar

Naktar konur geta sjálfum sér um kennt.

Hvað eru konur líka á annað borð að henda pjötlunum af sér fyrir framan myndavélaóðan kærasta? Hún, sem og aðrar konur í hennar stöðu, geta bara sjálfum sér um kennt og ættu bara að taka afleiðingunum. Að sitja fyrir á myndum eingöngu á netsokkum er hrein og klár heimska þegar fólk veit að sambönd, sérstaklega í stjörnuþokunni, eru oft ekki langlíf. Henni var nær.

Óttast að djarfar myndir af sér leki á netið

Milljónir í kenjar.

Uss og svei bara. Þegar fólk veit ekki lengur hvað það á að gera við peningana þá er þetta víst góð hugmynd, svei attan. Nær hefði verið hjá henni að hlú að einhverjum aðstandanda eða taka inn til sín ættingja sem er illa settur en að henda einhverjum millum í svona bjánaskap. Það eru til hellingur af alls skyns dýrum sem hægt er að fá til sín ef maður er einmanna, en að sýnast svona með dýrum dómi er bara sýndarmennska finnst mér.

Lét klóna kjölturakkann sinn